Сорох улуустарга хаардаах ардах түһүөҕэ

Сорох улуустарга хаардаах ардах түһэрэ күүтүллэр.

Бу туһунан синоптиктар иһитиннэрдилэр диэн СИА Мария Архипова суруйар. Ол курдук, Алдан, Нерюнгри оройуоннарыгар сорох сирдэринэн сөкүүндэҕэ 15-20 м. тиийэ тыал күүһүрүөн сөп. Уус Маайаҕа, Алдаҥҥа сорох сирдэринэн 11 мм диэри уонна онтон элбэх сөҥүү түһэрэ күүтүллэр. Киин, өрүс уҥуордааҕы, соҕуруулуу-арҕаа улуустарга улахана суох, сорох сирдэринэн кыратык инчэҕэй хаардаах ардах түһүө, соҕуруу, Өлүөнэ алын тардыытынан, арҕаа, хотугулуу-арҕаа, хоту, хотугулуу-илин — улахана суох, сорох сирдэринэн кыратык хаар, инчэҕэй хаар түһэрэ күүтүллэр. Кыра тыаллаах, соҕуруу — сөкүүндэҕэ 15-20 м тиийэ хотуттан тыалырыа. Түүн -3…+2 С кыраадыс, хотугулуу-арҕаа — -3… -8 °С, хотугулуу-илин сорох сирдэринэн -8… -13 °С. Күнүс — +3… +8 °С, хотугулуу-арҕаа — -3… +2 °С, арҕаа сорох сирдэринэн — -1… -6 °С. Дьокуускайга үксүн сөҥүүтэ суох, арҕааттан сөкүүндэҕэ 5-10 м тыаллаах. Күнүс +4… +6 °С тиийэ сылыйыа.

Хаартыска: interfax.ru