Быйыл өрөспүүбүлүкэ үрдүнэн бас билии көрүҥүттэн тутулуга суох 80 706 туонна үүт соҕотуопкаланыахтаах.
edersaas.ru.
Күн бүгүҥҥү туругунан, 28 690 туонна үүт туттарылынна, ити сыллааҕы былаан 35,5 %-а. Былырыын баччаларга 28 190 туонна соҕотуопкаламмыта.
Биирдиилээн улуустарынан ылан көрдөххө, Мэҥэ Хаҥалас улууһа 2 898 туоннаны туттарда (былаана 8 500 т), Чурапчы улууһа 2 980 туоннаны (былаана 7 600 т.), Сунтаар улууһа 2 894 туоннаны (былаана 7 500 т), Хаҥалас улууһа 2 652 туоннаны (былаана 6 400 т.), Амма улууһа 1 905 туоннаны (былаана 5 800 т.), Ньурба улууһа 5 300 туоннаны (былаана 5 300 т.) туттаран иһэллэр. Онон, үүтү туттары көхтөөх, ыйдааҕы былаан куоһарыллан иһэр.
Харанай дьаҥтан сэрэнэн бэлэмнээх буолуу эрэсиимэ киллэриллиэҕиттэн, бары соҕотуопкалыырастыыр тэрилтэлэр санитарнай ирдэбиллэри толору тутуһан үлэлииллэр.
Раиса Сибирякова, «Саха сирэ», edersaas.ru.