«АЛРОСА» хампаанньа Кэтээн көрөр сүбэтэ атырдьах ыйын 26 күнүнээҕи мунньаҕын быһаарыытынан, хампаанньа 2019 сыл бастакы аҥаарынааҕы үлэтин түмүгүнэн, көҥүл эргииргэ баар харчы 100 бырыһыанын барыс үп төлүүргэ ыытарга сүбэлээтэ.
edersaas.ru
Ол курдук уопсайа 28,3 миллиард солкуобай, онтон биир аахсыйаҕа 3 солкуобай 84 харчы төлөнүөҕэ.Сыл аҥаарыгар барыс үп 5% тиийдэ. Барыс үбү ылар кыахтаах дьон испииһэктэрин алтынньы 14 күнүгэр оҥоруохтара. Бу сайын бэс ыйыгар Кэтээн көрөр сүбэ барыс үбү төлүүр бэлиитикэ балаһыанньатын саҥа эрэдээксийэтин бигэргэппитэ, онно төһө харчы ааҕыллара чуолкайдаммыта. Ол бэрээдэгин http://www.alrosa.ru сайтка киирэн, инвестордарга уонна аахсыйалаахтарга анаммыт салааҕа билсиэххэ сөп.
«Саха сирэ», edersaas.ru
+1
+1
+1
+1
+1
+1
+1