Ааспыт сууккаҕа Өлөөҥҥө, Өлүөхүмэҕэ, Алдаҥҥа, Уус Маайаҕа, Аммаҕа уонна Үөһээ Халымаҕа барыта 12 ойуур баһаара умуруорулунна. Барыта 343,5 гектардаах сир уокка былдьаммыт.
Ааспыт сууккаҕа Нерюнгри, Мэҥэ Хаҥалас, Өлөөн, Алдан, Ленскэй, Уус Маайа улуустарыгар эбии 26 ойуур баһаар турбута биллибит, барыта 1525 гектар иэннээх сири сабардаабыттар. Онон билигин өрөспүүбүлүкэ үрдүнэн 52 ойуур баһаара күөх дуолу мэҥиэстэр, барыта 38562,5 гектар иэннээх сир былдьаныллыыбыт. Ол курдук, Нерюнгригэ 22, Алдаҥҥа 11, Уус Маайаҕа 5, Мииринэйгэ 4, Эдьигээҥҥэ, Ленскэйгэ биирдии, Мэҥэ Хаҥаласка, Тааттаҕа, Сунтаарга, Томпоҕо, Өлөөҥҥө, Аммаҕа биирдии ойуур баһаардара умайаллар.
Билиҥҥи туругунан 18 ойуур баһаарын умуруорууга 536 киһи үлэлиир, 19 анал тиэхиньикэ көмөлөһөр. Сунтаар, Уус Маайа уонна Томпо улуустарыгар 3 ойуур баһаара бохсуллубут. Саха сиригэр бу сааскыттан 247 ойуур баһаара турбута биллэр, былырыын бу кэмҥэ 803 ойуур баһаара күөх дуолу мэҥиэстэрэ.