Култуура Сүрүн

Айсен Николаев Олоҥхо ыһыаҕын тэрээһиннэригэр кыттыаҕа

Бу күннэргэ Ил Дархан Айсен Николаев  Үөһээ Бүлүүгэ ыытыллыахтаах XV үбүлүөйдээх Олоҥхо ыһыаҕар кыттыаҕа диэн пресс-сэкирэтээр  Афанасий Ноев иһитиннэрэр.

Бүгүн Айсен Николаев  Харбалаахха  Исидор Барахов аатынан култуура киинин бастакы сыбаайатын түһэриигэ уонна  Кэнтиккэ  Чап уустара  тимири уһааралларыгар кыттыаҕа.

Санатар буоллахха,  сарсын,  бэс ыйын 20 күнүгэр, Үөһээ Бүлүү сэлиэнньэтин Түгэхтэй алааһын киэҥ-куоҥ киэлитигэр  Олоҥхо ыһыаҕын аһыы сиэрэ-туома ыытылллыаҕа.  Бу күн Ил Дархан улууска Олоҥхо дьиэтин үөрүүлээх аһыы тэрээһинигэр кыттыаҕа. Олоҥхо ыһыаҕын бочуоттаах ыалдьыттарынан Кыргыстаан  Өрөспүүбүлүкэтин судаарыстыбаннай сэкирэтээрэ Суйунбек Касмамбетов уонна  «Олоҥхо дойдутугар ЮНЕСКО щедеврдэрин көрсөһүүлэри» диэн  бэстибээл кыттааччылара буолаллар.

Ону тэҥэ, Айсен Николаев  олоҥхоһуттар, хомусчуттар, оһуохайдьыттар куонкурустарыгар уонна биллиилээх олоҥхоһут Андрей Титаров «Хардааччы Бэргэн»  олоҥхотугар олоҕуран оҥоһуллубут олоҥхо-испэктээккэ сылдьыаҕа.

0
0
Telegram @edersaas20