CӨ доруобуйа харыстабылын миниистирэ Елена Борисова иһитиннэрбитинэн, Саха сиригэр бүддьүөт уонна аһымал санааланыы үбүнэн тыҥа искусственнай вентиляциятын (ИВЛ) 26 аппараата атыылаһыллыаҕа. Бу аппарааттар эмтиир тэрилтэлэргэ бэриллиэхтэрэ.
edersaas.ru
“Билигин доруобуйа харыстабылын тэрилтэлэригэр итинник 361 аппараат баар. Саҥа ылыллар 13 аппарааты маннык түҥэтиэхпит: өрөспүүбүлүкэтээҕи килиниичэскэй балыыһаҕа – 7, оҕо сыстыганнаах ыарыыларын килииничэскэй балыыһатыгар – 2, Нерюнгри, Алдан, Бүлүү уонна Нам Оройуоннааҕы киин балыыһаларыгар биирдиини”, – диэн быһаарда миниистир.
Елена Борисова эппитинэн, ону сэргэ өрөспүүбүлүкэтээҕи килиниичэскэй балыыһаҕа анаан, 3 аппараат уонна атын эмтиир тэриллэр ЯТЭК биэрэр 50 мөлүйүөн суумалаах үбүнэн атыылаһыллар. Өссө 45 мөлүйүөн суумаҕа ИВЛ 10 аппараатын уонна да атын тэриллэри атыылаһарга “Индрайвер”, “Майтона”, бизнесменнэр Арсен Томскай уонна бырааттыы Ушницкайдар биэрбит үптэринэн атыылаһыллыаҕа.
“Бу эмтиир тэриллэр бары Саха сиригэр коронавирус инфекциятын утары охсуһар дьаһалларга анаан ылыллаллар”, – диэтэ миниистир Елена Борисова.
Надежда ЕГОРОВА, “Саха сирэ”, edersaas.ru