РФ Судаарыстыбаннай Дууматын дьокутаата Галина Данчикова Украинаны кытта сыһыан тула санаатын үллэһиннэ.
«Украинаҕа буолбут событиелар дьону долгуттулар. Арассыыйа Бэрэсидьиэнэ Владимир Путин Российскай Федерация Судаарыстыбаннай Дуума уонна Куттал суох буолуутун сэбиэтинэн өйөнүллүбүт быһаарыы буолан, бастатан туран, Донецкай уонна Луганскай норуодунай өрөспүүбүлүкэлэр гражданнарын интэриэстэрин көмүскээһиҥҥэ, кинилэр олохторун-дьаһахтарын уонна доруобуйаларын харыстааһыҥҥа туһуланна.
Судаарыстыба баһылыга Донецкай уонна Луганскай норуодуна өрөспүүбүлүкэлэрин билинэр туһунан Ыйаахха илии баттаан, историческай суолталаах быһаарыытын ылыммыта. Анал байыаннай эпэрээссинэйи ыытар туһунан быһаарыы биир эрэ сыл буолбакка, аҕыс эрэйдээх сыл устата толкуйданыллыбыта. Украина салалтатыгар балаһыанньаны өйдөтөн, дипломатическай суолунан быһыыны-майгыны хаста даҕаны быһаара сатаабыттара. Биһиги экэниэмикэбитин дэлби тэптэриигэ туһуламмыт Америка бэлиитикэтин сабыдыалынан, Украина Арассыыйаны истиэн баҕарбат, Донецкай уонна Луганскай өрөспүүбүлүкэлэригэр баар Арассыыйа гражданнарын олохторугар табыгаһа суох усулуобуйаны оҥорбута. Үөскээбит быһыыга-майгыга Судаарыстыбаннай Дуума сөптөөх быһаарыыны ылынна — доҕордоһуу, бииргэ үлэлээһин уонна хардарыта көмө дуогабардарын ратификациялааһыҥҥа.
Саха сирэ биир бастакынан Донецкай уонна Луганска өрөспүүбүлүкэ олохтоохторугар көмөлөһөн, тэскилээбиттэри ыларга уонна кинилэргэ араас көмөнү оҥорорго бэлэмин биллэрдэ. Бу туһунан эрэгийиэн баһылыга Айсен Николаев эппитэ», — диэн Галина Данчикова эттэ.