Бэс ыйын 11 күнүн сарсыардааҥҥы туругунан, Саха сирин үрдүнэн 25 ойуур баһаара умайарыттан биирэ умуруоруллубут. 14 ойуур баһаара ыраах уонна суола-ииһэ суох сиргэ баара биллибит. Барыта 3441,5 гектар иэннээх сир былдьаммыт. Уоту бохсууга «Авиалесоохрана» 158 парашютист-десантнига, ойуур хаһаайыстыбатын исписэлиистэрэ уонна олохтоохтор үлэлииллэр. Ааспыт сууккаҕа Өлүөхүмэ уонна Хаҥалас улуустарыгар баар биирдии баһаары умуруорбуттар.
Санатар буоллахха, Ил Дархан Айсен Николаев анал дьаһалынан Саха сирин үрдүнэн ойуур баһаарын утары үрдүк бэлэмнээх буолуу эрэсиимэ биллэриллибитэ. Тоҕо диэтэххэ, ойуурга баһаардар турар кыахтаах сэрэхтээх күннэр-дьыллар үүннүлэр.
СӨ Экологияҕа министиэристибэтэ Саха сирин олохтоохторугар уонна ыалдьыттарыгар ойуурга сылдьаргытыгар уоту сэрэхтээхтик туһанаргытыгар сүбэлиир, ыҥырар. Ойуур баһаара туран эрэрин биллэххитинэ, көрдөххүтүнэ, 8-4112-44-74-76 диэн эрэгийиэннээҕи диспетчэргэ эбэтэр 8-800-100-94-00 нүөмэргэ быһа эрийиэн тиийиэххитин сөп.