234 килэмиэтир өрөспүүбүлүкэтээҕи суол оҥоһуллуоҕа

Бөлөххө киир:

“Куттала суох уонна хаачыстыбалаах суол” национальнай бырайыагынан Саха сиригэр быйыл 530 килэмиэтир суол оҥоһуллуохтаах. Итинтэн 234 км өрөспүүбүлүкэ таһымнаах суол. Бу туһунан Ил Дархан Айсен Николаев бүгүн быһа эпиирин кэмигэр иһитиннэрдэ.

– “Куттала суох уонна хаачыстыбалаах суол” национальнай бырайыагынан Саха сиригэр 12 эрэгийиэннээҕи суол оҥоһулла сылдьар. Быйылгы былаанынан барыта 234 килэмиэтир усталаах өрөспүүбүлүкэ таһымнаах суол оҥоһуллуохтаах. Биһиги бу маннык таһымҥа саҥа тахсан эрэбит. Киин улуустары таһынан хотугу улуустарга суол оҥоһуллан эрэр. Холобур, Яна суолугар. Быйылгы сыллаах былаан өссө биир уратытынан муосталарбытын саҥардыы үлэтэ бара турар. Холобур, Ленскэй оройуонугар Ньүүйэ, Уус Маайаҕа Ааллаах Үүн, Томпоҕо Мөҥкүүлэ муосталара өрөмүөннэниэхтэрэ, – диэн иһитиннэрдэ Айсен Сергеевич.

Аграфена КУЗЬМИНА  

+1
0
+1
0
+1
0
+1
0
+1
0
+1
0
+1
0