2238 куойка эбилиннэ

Күһүн тымныйыы, ОРВИ элбээбитинэн, ону сэргэ коронавирус дьаҥар хаптарааччылар үксээбиттэринэн, СӨ Доруобуйа харыстабылын министиэристибэтэ РФ Доруобуйа харыстабылын министиэристибэтин сүбэтинэн, өрөспүүбүлүкэ бары улуустарыгар, олорор нэһилиэнньэтин ахсаанынан көрөн,  быстах кэмнээх эбии стационардар арылыбыттарын туһунан тустаах министиэристибэ пресс-сулууспата иһитиннэрдэ.

Дьокуускай куоракка эбии куойкалар куораттааҕы 2 №-дээх балыыһаҕа, куораттааҕы 3 №-дээх балыыһаҕа,

1 №-дээх поликлиникаҕа,  Өрөспүүбүлүкэтээҕи мэдиссиинэ чэбдигирдэр киинигэр, ону сэргэ, куорат мэдиссиинэҕэ киинигэр эбилиннилэр.

Куорат уонна өрөспүүбүлүкэ балыыһаларыгар барыта 2238 куойка коронавирус дьаҥар хаптарбыттарга уонна уталытыллыбат суһал көмөҕө наадыйар ыарыһахтарга ананан эбилиннэ.