Ааспыт суукка иһигэр өрөспүүбүлүкэҕэ коронавирус дьаҥыттан 3375 анаалыс оҥоһуллубут. Бу “Манчаары оонньууларыгар” тиийбит спортсменнартан, үлэһиттэртэн анаалыс ылбыттарын түмүгэр, ахсаана элбээбит.
От ыйын 7 күнүгэр барыта 271 187 устуука вакцина кэлбит. Коронавируһу утары быһыыны 221 986 киһи толору ылбыт, ол эбэтэр кэлбит вакцинаттан 81,4%-на туһаныллыбыт.
Дьон быһыыны ылалларын көҕүлүүр сыалтан, от ыйын 6 күнүттэн Үүнэр көлүөнэ пуондата аахсыйа ыытар. Нэдиэлэ ахсын “Саха” НКИХ ханаалыгар быһыы бастакы укуолун ылбыт дьонтон аахсыйа кыайыылаахтара ааттаныахтара. Түмүк оонньотуу атырдьах ыйын 31 күнүгэр буолуоҕа. Сүрүн бириис – массыына.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru
+1
+1
+1
+1
+1
+1
+1