Сүрүн Уопсастыба

22 тыһыынча вакцина кэллэ

Тохсунньу 19 күнүнээҕи туругунан, өрөспүүбүлүкэ үрдүнэн 150 киһи коронавируснай инфекциянан ыалдьыбыта бигэргэннэ. Ол иһигэр Дьокуускайга – 59 киһи. Ол туһунан доруобуйа харыстабылын миниистирэ Елена Борисова брифиҥҥэ иһитиннэрдэ.

Саҥа дьыл кэнниттэн ыалдьыы ахсаана элбээн иһэрэ көстөр. Бэҕэһээҥҥиттэн ыла өрөспүүбүлүкэҕэ коронавируснай инфекцияны утары быһыыны маассабайдык биэрии саҕаланна.

Бу иннинэ 5 тыһыынча устуука кэлэн, Дьокуускайга уонна аҕыйах улууска тарҕатыллан, сүрүннээн миэдиктэргэ бэриллибитэ. Билиҥҥи туругунан, барыта 2,7 тыһыынча киһи быһыыны ылла. 600-тэн тахса киһи быһыы иккис бэриллиитин толору ылбыттар. Санатар буоллахха, иккис вакцинаны 21 хонон баран биэрэллэр.

Бүгүн 22 тыһыынча устуука вакцина кэлэн, саҥа тиэйиллэн, таһыллан эрэр. Олунньу бүтүөр диэри өссө 69,5 тыһыынча устуука кэлиэхтээх.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

0
0
Telegram @edersaas20

Добавить комментарий