Ахсынньы 1 күнүгэр өрөспүүбүлүкэ үрдүнэн 216 киһи коронавируһунан ыалдьыбыта бигэргэннэ. Ол иһигэр Дьокуускайга 114 киһи ыарыйда. Бу туһунан өрөспүүбүлүкэтээҕи суһал ыстаап салайааччытын солбуйааччы Ольга Балабкина брифиҥҥэ иһитиннэрдэ.
Уончалыы киһи Мииринэй, Нерюнгри оройуоннарыгар ыалдьыбыт, ону тэҥэ, Алдан, Чурапчы, Ньурба, Өлөөн улуустарыгар элбэх киһи ыалдьыбыта бэлиэтэннэ. Өссө 19 улууска 1-5-тии киһи ыарыйда.
Ньурбаҕа, Чурапчыга сүрүннээн дьиэ кэргэнинэн, оттон Мииринэйгэ, Нерюнгригэ үлэлэригэр сылдьан ыалдьыбыттар. Үлэ, социальнай сайдыы министиэристибэтэ тэрилтэҕэ маассабай сыстыһыыны таһаарбыт салайааччыга миэрэ ылыаҕа диэн Ольга Балабкина иһитиннэрдэ.
Суукка иһигэр 1764 ПЦР анаалыс оҥоһуллубут. Хотугу улуустарга ИХА, ИФА ньыматынан анаалыс оҥоһуллар буолан, түмүгүн түргэнник таһаарар буоллулар.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1