206 киһини клещ ытырда

Бөлөххө киир:

СӨ Роспотребнадзор управлениетын чахчытынан, атырдьах ыйын 3 күнүнээҕи туругунан, 206 киһини клещ ытырбыта бэлиэтэннэ. Бу – Алдан, Ленскэй, Нерюнгри, Өлүөхүмэ, Амма, Горнай, Ньурба, Сунтаар, Мииринэй, Мэҥэ Хаҥалас, Хаҥалас, Уус Алдан, Чурапчы улуустарыгар уонна Дьокуускай куоракка.

edersaas.ru


Клещ ытырдаҕына, олорор сиргитинэн поликлиникаҕа эбэтэр травпууҥҥа суһаллык бараргытын умнумаҥ.

Үөнү чинчиттэрэ бу тэрилтэлэргэ аҕалыахха сөп:

Көрдөрө кэлбит медицинскэй тэрилтэҕитигэр;

– СӨ гигиена уонна эпидемиология киинин салааларыгар;

– Дьокуускай к. Ойуунускай аатынан уулусса 9 нүөмэрдээх дьиэтигэр баар ураты кутталлаах инфекциялар лабораторияларыгар.

Лабораторияҕа клещ энцефалитын вируһа баарын-суоҕун билэргэ 146 клещ бэрибиэркэлэммититтэн бары «отрицательнайы» көрдөрдүлэр.

х х х

Тыаҕа барарга анал харыстанар көстүүмнэри эбэтэр бүтэй саҕалаах, сиэхтээх таҥаһы кэтэ сатааҥ. Булууһаҕыт сиэҕэ уһун уонна ыга тута сылдьар эрэһиинэлээх буолуохтаах. Булууһаҕытын бүрүүкэҕитигэр, онтон бүрүүкэҕитин наскыгытыгар эбэтэр саппыкыгытыгар симиҥ. Төбөҕүтүн уонна моойгутун былаатынан бааныҥ.

Клещтэн харыстанарга үргүтэр сириэстибэлэри – репелленнэри эккит аһаҕас өттүгэр уонна таҥаскытыгар ыстарыҥ. Препараты туттуох иннинэ быраабылатын билсиҥ.

Үөн-көйүүр хойдор кэмигэр хас биирдии киһи таҥаһын-сабын уонна этин-сиинин сотору-сотору көрүнүөхтээх.

Надежда ЕГОРОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0