203-с микро-оройуоҥҥа уһуйаан баар буолла!

Ааптар: 
Бөлөххө киир:

Ааспыт нэдиэлэҕэ Дьокуускай куорат саҥа тутулла турар 203-с микро-оройуонугар үөрүүлээх быһыыга-майгыга “Айыы Кыһата” оскуола лиэнтэтин быспыттара. Бэҕэһээ 315 миэстэлээх “Цветик-семицветик”  уһуйаан аһылынна.

edersaas.ru

Уһуйаан “ВИС” бөлөҕү кытта СӨ Бырабыыталыстыбата судаарыстыбаннай-чааһынай бииргэ үлэлэһии бырайыактарын иитинэн тутулунна. 203-с микро- оройуоҥҥа аан маҥнайгы судаарыстыбаннай уһуйаан буолар. Бу 4500 кыбадыраат иэннээх, 315 миэстэлээх уһуйааҥҥа 18 бөлөх хабыллыаҕа. Атын уһуйааннартан атына диэн – бассейннаах, лииптээх, пандустаах. Оннооҕор итии, балык уонна эт аһылыктарын блоктара тус-туспа.

СӨ Бырабыыталыстыбатын бэрэссэдээтэлин солбуйааччы  Ольга Балабкина, дойдуга үөрэх бэлиитикэтэ педагогтар өттүгэр уонна оҕолорго усулуобуйа олохтооһуҥҥа иитэ кэҥиир диэн бэлиэтээтэ итиэннэ кырачааннарга ситиһиини, дьоллоох оҕо сааһы баҕарда.

Дьокуускай куорат баһылыга Сардаана Авксентьева оҕолорго анаан саҥа микро-оройуоҥҥа улахан, тупсаҕай, мааны тэрилтэлэри туталларын иһин тутааччыларга махталын биллэрдэ. Оҕону үөрэхтээһин инники күөҥҥэ турарын, кыра саастарыттан үүнэллэригэр, сайдалларыгар усулуобуйа баар буолуохтааҕын бэлиэтээн эттэ.

Ити курдук, Дьокуускай саҥа микро-оройуонугар  сыыйа социальнай эбийиэктэр дьэндэһэллэр.

edersaas.ru

Мария ВАСИЛЬЕВА (СИА) хаартыскаҕа түһэритэ.

+1
0
+1
0
+1
0
+1
0
+1
0
+1
0
+1
0