2025 сылга диэри анал бырагырааманан хаарбах дьиэттэн дьону көһөрүөхтэрэ
2025 сылга диэри Саха сиригэр анал бырагыраама чэрчитинэн дьону хаарбах уонна саахалланар туруктаах дьиэттэн көһөрүөхтэрэ.
edersaas.ru
Бу туһунан Ил Дархан Айсен Николаев «Саха «НКИХ быһа биэриигэ иһитиннэрдэ.
— Дьон ордук кыһыҥҥы кэмҥэ олус ыарахан сулуобуйаҕа олороллор. Биһиги сүрүн сорукпут — дьону хаарбах дьиэттэн көһөрөн, саахалланар туруктаах дьиэлэри көтүрэ охсуу. Бу бырагырааманы олоххо киллэриигэ 110 миллиард солкуобай, онтон 80-тан ордуга бүгүн Арассыыййа Бэрэсидьиэнэ быһаарыытынан ОДьКх пуондатыгар бэриллиэҕэ, — диэн эттэ Ил Дархан. Маны таһынан Айсен Николаев быйыл бары дьиэлэр кыраапык быһыытынан тутуллалларын, сотору кэминэн үгүс ыал саҥа дьиэҕэ күлүүстэрин ылаары сылдьалларын иһитиннэрдэ.
— ОДьКХ пуондата өрөспүүбүлүкэбитигэр улахан өйөбүлү оҥорор. Дьиэ тутуутун кэтии олорор буолан, биһиги өрөспүүбүлүкэбит олорор дьиэни тутууга инники кэккэҕэ сылдьарын бэлиэтээбитин түмүгэр, биһиэхэ 2 аҥар миллиард солкуобайы хаарбах дьиэттэн дьону түргэн кэмҥэ көһөрө охсорго кыах биэрдилэр, — диэн бэлиэтээтэ өрөспүүбүлүкэ Аҕа баһылыга.
Елена ПОТОЦКАЯ, «Саха сирэ» хаһыат, edersaas.ru
Хаартыска:СИА