2024 сылга бастакы төрөөбүт оҕолору балыыһаттан таһаардылар
04.01.2024
Хаартыска: Анна Лебединская
Бүгүн, тохсунньу 4 күнүгэр, өрөспүүбүлүкэтээҕи Перинатальнай кииҥҥэ Саха сиригэр Оҕо саас уонна Арассыыйаҕа Дьиэ кэргэн сылыгар бастакы төрөөбүт оҕолору балыыһаттан үөрүүлээх быһыыга-майгыга таһаардылар.
Бу туһунан Ил Дархан Айсен Николаев телеграмм-ханаалыгар суруйда.
«Ийэлэр, оҕолор туруктара үчүгэй, чугас дьоннорун көрсөн олус үөрдүлэр. Кинилэргэ барыларыгар «100 сыл оҕолоро» хапытаал сэртипикээтин туттардылар. Мин сорудахпынан бу сэртипикээт өссө биэс сылга уһаабыта», — диэн Айсен Николаев суруйда.
Уопсайа тохсунньу бастакы күнүгэр алта оҕо төрөөбүт. Түөрт оҕо Дьокуускайга уонна икки — Мииринэйгэ.
+1
+1
+1
+1
+1
+1
+1