Кэпсээннэр

Эргиллиэм мохсоҕол буолан

Кэтириис, бэйэтэ да нэһиилэ сылдьыбыт киһи, тыраамбатын кэнниттэн олох даҕаны буорайда. Урут эбитэ буоллар, дьыалата суох быар куустан олоруо, тиэрэ түһэн сытыа баара дуо. Билигин кыһалҕаттан сытар. Аһыырыгар олоро түһэр да, тостубут өттүгэ оһон биэрбэккэ, олох сүгүннээбэт. Маайыһын аһынан, сүрэҕин-быарын үлтү ытыйар ыарыыны тулуйа сатыыр, ынчыктаан көбүөхтүү сытар сүрэ бэрт. Кыыс куттаныа. «Хайдах эмэ гынан Тэрэппиин кэлэригэр тиийдэрбин» өрүү эргитэ саныыр санаата эмиэ охсулунна.…