2022 сылга уунан хааччыйар биэс ыстаансыйа үлэҕэ киириэҕэ

Ааптар: 
Бөлөххө киир:

2022 сыллаахха «Дьиэ уонна куорат эйгэтэ” национальнай бырайыак «Ыраас уу» бырагыраама чэрчитинэн алта бырайыагы олоххо киллэриигэ 913 мөл. солк. көрүлүннэ. Бу туһунан тохсунньу 27 күнүгэр Саха сирин ОДьКХ уонна энергетикэҕэ миниистирэ Вячеслав Емельянов СӨ Бырабыытылыстыбатын бэрэссэдээтэлэ Андрей Тарасенко тэрийбит мунньаҕар иһитиннэрдэ.

2022 сыл бүтүөр диэри насоснай ыстаансыйалаах уу ситимэ Үөһээ Бүлүүгэ уонна Андреевскай сэлиэнньэлэригэр, Өлүөхүмэ куоракка уу ылар тутуу (иккис түһүмэх), Горнай улууһугар Бэрдьигэстээххэ уонна Сунтаарга Сунтаар сэлиэнньэтигэр ууну ыраастыыр ыстаансыйалар үлэҕэ киллэриллиэхтэрэ.

Быйылгы сылтан ууну ыраастыыр ыстаансыйаны тутуу Сунтаарга, Алтаҥҥа, уонна Үөһээ Бэстээххэ саҕаланыаҕа.

«Экология” национальнай бырайыак чэрчитинэн “Кытаанах хомунаалынай бөҕү ыраастааһын” эрэгийиэннээҕи бырайыагы олоххо киллэрии үлэтэ Дьокуускайга бара турар. Бу бырайыак иһинэн бөҕү тиэйэр саҥа полигон тутуута ыытыллар, онно бөҕү тиэйэр ыстаансыйаҕа бөҕү наардыыр үлэ барыахтаах. Билигин бырайык араас таһымнаах эспэртиисэлэри ааһар түһүмэххэ турар.

«Саха сирэ» хаһыат, edersaas.ru

Хаартыска sakha.gov.ru

+1
0
+1
0
+1
0
+1
0
+1
0
+1
0
+1
0