«Култуура» национальнай бырайыагынан Саха сиригэр 2021 сыл бүтүөр диэри Мэҥэ Хаҥалас уонна Чурапчы модельнай бибилэтиэкэлэниэхтэрэ. Онтон 2022 сылга бырайыагы Сунтаар уонна Анаабыр оройуоннарыгар олоххо киллэрии былааннанар.
Бу туһунан Саха сирин премьер-миниистирэ Андрей Тарасенко бэрэссэдээтэллээх улуус баһылыктарын кытары ыытыллыбыт мунньахха этилиннэ. Бу иннинэ Ил Дархан Айсен Николаев «Саамай ааҕар эрэгийиэн» Арассыыйатааҕы күөн күрэскэ Саха сирэ «Кинигэ уонна ааҕыы эйгэтин территорията» кыайыылааҕынан буолбутун иһитиннэрдэ. Маныаха саамай ааҕар эрэгийиэҥҥэ бибилэтиэкэлэр тиһиктэрин сайыннарыы куорат сиригэр эрэ буолбакка, кыра нэһилиэнньэлээх пууннарга эмиэ ыытыллара үлэни-хамнаһы бигэргэтэр.
«Модельнай бибилэтиэкэлэри тэрийии — 2019 сыллаахтан национальнай бырайыактары олоххо киллэрии иитинэн ыытыллар. Бу кэм устатыгар уон иккитэ грант ыллылынна уонна саҥа тэриллэринэн хааччыллыылара ситиһилиннэ. 2019 сыллаахха аан бастаан Беркакит бөһүөлэгэр тэриллибитэ. 2020 сыллаахха биэс номинацияны ылары ситиспиппит. 2021 сылга ситиһиибит балачча — икки оройуон бибилэтиэкэтэ, бу Алдаҥҥа уонна Покровскайга уоннуу мөлүйүөн солк. уонна тыа сирдэригэр. Бу эбии ыытыллыбыт куонкурустарга кыттыыны ылыы түмүгэр ситиһилиннэ«, — дин СӨ култуураҕа уонна духуобунай сайдыыга миниистирэ Юрий Куприянов иһитиннэрдэ.
Сантанан эттэххэ, «Култуура» национальнай бырайыагынан Нерюнгри, Булуҥ, Уус Алдан, Нам, Алдан, Хаҥалас, Мииринэй, Горнай уонна Дьокуускай куорат модельнай бибилэтиэкэлэммиттэрэ.