Култуура Уопсастыба

Олоҥхо ыһыаҕар бэлэмнэнии үлэлэр тустарынан

Бүгүн, балаҕан ыйын 30 күнүгэр, СӨ Бырабыыталыстыбатын бэрэссэдээтэлин солбуйааччы Сергей Местников 2022 сылга Үөһээ Бүлүү улууһугар Олоҥхо ыһыаҕар бэлэмнэниигэ уонна ыытыыга тэрийэр кэмитиэт мунньаҕын оҥордо. Вице-премьер далааһыннаах тэрээһиҥҥэ бэлэмнэнии үлэлэр хаамыыларын хонтуруоллаата.

Сергей Местников Олоҥхо ыһыаҕа Саха сиригэр олус күүтүүлээх уонна улахан суолталаах култуурунай бэлиэ тэрээһин буоларынан тэрийиигэ сүрүн сыалы-соругу бэлиэтээтэ. Олоҥхо ыһыаҕын ыытарга бэлэмнэнии үлэлэр тустарынан иһитиннэриини Үөһээ Бүлүү улууһун баһылыга Владимир Поскачин уонна СӨ Култуураҕа уонна духуобунай сайдыыга миниистири бастакы солбуйааччы Владислав Левочкин иһитиннэрдилэр. Тутуу үлэлэрин туһунан иһитиннэриини СӨ Тутууга миниистирин солбуйааччы Евгений Афанасьев оҥордо.
Олоҥхо ыһыаҕын тэрийиигэ 16 хамыыһыйа үлэлэһэр. Ыһыах иитинэн 13 култуурунай тэрээһин тэриллиэхтээх. Далааһыннаах тэрээһин чэрчитинэн «Встреча Шедевров Юнеско на земле Олонхо» норуоттар икки ардыларынааҕы IV бэстибээл ыытыллара былааннанар. Спортивнай күрэхтэһиилэр тэриллиэхтэрэ, сири-уоту тупсарыы бырайыактара олоххо киллэриллиэхтэрэ, муниципальнай суоллары тутуу үлэлэрэ ыытыллыахтара.
0
0