СӨ Үөрэҕин уонна наукатын миниистирэ Ирина Любимова үүммүт 2022 сылы Саха Өрөспүүбүлүкэтин үөрэҕин эйгэтигэр Ааҕыы сылынан биллэрдэ.
“Александр Сергеевич Пушкин “Ааҕыы – бу бастыҥ үөрэх” (“Чтение – вот лучшее учение”) диэн бэлиэтээн аһарбыттаах, онон өрөспүүбүлүкэ үөрэҕин систиэмэтигэр 2022 сылы Ааҕыы сылынан биллэрэбин”, — диэн эттэ миниистир.
Санатан эттэххэ, Саха сиригэр 2022 сыл Ийэ сылынан биллэриллибитэ. Оҕону ааҕыыга төрөппүт, чуолаан ийэ сирдиирэ, уһуйара биллэр. Онон Ийэ уонна Ааҕыы сыла бэйэ-бэйэлэригэр ыкса ситимнээхтэр, ситэрсэн биэрэллэр. Бэлиэ сыл үөрэнээччилэргэ, ыччакка ситиһиилээх, үтүө түмүктээх буолуо диэн эрэнэбит.
“Саха сирэ” хаһыат, edersaas.ru
Хаартыска: retail-loyalty.org
+1
+1
+1
+1
+1
+1
+1