2022 сылга РФ бырабыыталыстыбатын балаҕан ыйын 16 күнүнээҕи 1564 №-дээх «2022 cыллааҕы өрөбүл күннэрин сыҕарытыы» уурааҕынан, маннык өрөбүл күннэрэ сыҕарыйан биэрдилэр.
2022 сылга тохсунньу 1 уонна 2 күннэрэ субуотаҕа уонна баскыһыанньаҕа түбэһэринэн, бу чыыһылалар өрөбүллэрин ыам ыйын 3 уонна ыам ыйын 10 күннэригэр көһөрүлүннэ. Онон тохсунньуга тоҕус өрөбүл күн баар буолла — тохсунньу 1 — 9 күннэрэ, оттон ыам ыйыгар сэттэ өрөбүл — ыам ыйын 1 — 3 күннэрэ уонна ыам ыйын 7 — 10 күннэрэ.
Маны сэргэ кулун тутар 5 күнэ кулун тутар 7 күнүгэр көһөрүлүннэ. Онон кулун тутарга Россия олохтоохторо үс күн субуруччу сынньаныахтара — кулун тутар 6 — 8 күннэрэ (баскыһыанньаттан оптуорунньугу киллэрэн туран). Бу өрөбүл күннэр иннинээҕи үлэ нэдиэлэтэ алта хонуктаах буолар.
Сомоҕолоһуу күнүнэн сэтинньи 4-6 күннэригэр өрүөхтэрэ.
Маны таһынан, СӨ иһинэн ылыныллыбыт сокуонунан, Өрөспүүбүлүкэ күнүнэн муус устар 27 күнүгэр уонна ыһыах бырааһынньыгынан биллэриллибитэ. Онон бу күннэргэ эмиэ өрүүбүт.
Ульяна ЗАХАРОВА, edersaas.ru