2021 сылга тыа хаһаайыстыбатын микробиэрэпиһэ ыытыллыаҕа

Ааптар: 
Бөлөххө киир:

2021 с. атырдьах ыйын 1-30 күннэригэр Арассыыйаҕа аан бастаан тыа хаһаайыстыбатын микробиэрэпиһэ ыытыллыаҕа диэн «Якутия 24» телеханаал Сахастат пресс-сулууспатыгар сигэнэн иһитиннэрдэ.

Микробиэрэпискэ сылгылары-сүөһүлэри тутар,  тыа хаһаайыстыбатын бородууксуйатын оҥорон таһаарарга сир учаастактарын түүлэһэр эбэтэр туһанар  юридическай уонна физическэй сирэйдэр хабыллыахтара.

Иһитиннэриигэ «Тыа хаһаайыстыбатын тэрилтэлэрин, бааһынай хаһаайыстыбалары уонна тус предпринимателлэр, коммерческайа суох табаарыстыбалар тустарынан иһитиннэриилэри хомуйуу биир кэлим кэтээн көрүү ньыматынан ыытыллыаҕа», — диэн  этиллэр.

Нэһилиэктээх пууннарга баар чааһынай хаһаайыстыбаларга  талан ылан статистика кэтээн көрүү ньыматын туһаныахтара.

2021 сыллааҕы тыа хаһаайыстыбатын микробиэрэпиһин уратытынан кыттааччылартан сибидиэнньэ хомуйууга аныгы технологиялары туһаныллыахтара. Ол курдук, ыйытыыларга планшетнай компьютердары туһаннахха, бу дааннайдары хомуйуу уонна таҥыы үлэтин түргэтэтиэҕэ.

Микробиэрэпис  тыа хаһаайыстыбатын инники  сайдыытын урутаан билиигэ,  тыа хаһаайыстыбатын оҥорон таһаарыытын көдьүүһүн  үрдэтиигэ төһүү буолуоҕа.

Микробиэрэпис барыллааһын  түмүктэрэ 2021 сыл төрдүс кыбаарталыгар, бүтэһиктээх түмүктэрэ 2022 сыл төрдүс кыбаарталыгар биллиэхтэрэ.

edersaas.ru

+1
0
+1
0
+1
0
+1
0
+1
0
+1
0
+1
0