2021 сылга Саха сиригэр мэдиссиинэ тэрилтэлэригэр анал тэриллээх 91 көлө ылылынна.
Бу үлэ «Доруобуйа» национальнай бырайыагы олоххо киллэрии иитинэн ыытыллар. Маныаха бу аҕалаллыбыт анал көлөлөртөн сүрүн чааһа мэдиссиинэ оҥорор өҥөтүн тупсарар туһуттан ыраах нэһилиэнньэлээх пууннарга ыытылынна.
Кэлбит тиэхиньикэттэн 18 суһал көмө массыыната. Хас биирдиилэрэ наадалаах мэдиссиинэ тиэхиньикэтинэн хааччыллыбыттар.
2021 сыллаахха оройуон балыыһаларыгар көһөрүллэ сылдьар 11 ураты мэдиссиинискэй комплекстаах массыына, 235 мөл. солк. ылыллыбыта. Маннык көлөнү «Көлүөһэ үрдүгэр поликлиника» диэн ааттыыллар. Тоҕо диэтэххэ, массыынаҕа офтальмология, гинекология, күмэйи, кулгааҕы көрөр тэриллэрдээх.
Маны таһынан, бу көһө сылдьар комплекска ультразвуковой, лабораторнай уонна функциональнай чинчийиини барыахха сөп. Бу Саха сиригэр уустук суоллаах-иистээх нэһилиэнньэлээх пууннарга олохтоохтору көрөргө-истэргэ олус наадалаах. Көһө сылдьар мобильнай комплекстар Алдан, Үөһээ Бүлүү, Кэбээйи, Мэҥэ Хаҥалас, Нам, Ньурба, Сунтаар, Томпоҕо, Уус Алдан, Хаҥалас, Чурапчы оройуоннааҕы киин балыыһаларыгар ыытыллыбыттара. Биэс массыына РФ субъектарын судаарыстыбаннай бырагыраамаларын олоххо киллэрии иитинэн, паллиативнай медицинскэй көмөнү оҥорорго, үс — тыа сирин кэлимник сайыннарыы бырагырааматынан. Саҥатытыы бырагырааматынан бастакы мэдиссиинискэй-санистарнай көмөнү оҥорорго, пациеннары балыыһаҕа илдьэргэ, эми-тому ыраах сэлиэнньэҕэ тиэрдэргэ улуустарга 54 массыына ылыллыбыт.
СӨ Доруобуйа харыстабылын министиэристибэтэ биэс сылга тыа сирин нэһилиэнньэлээх пууннарыгар 248 көлөнү ылар былааннаах.
Хаартыскаҕа Мария Васильева (СИА) түһэриитэ.
+1
+1
+1
+1
+1
+1
+1