2021 сылга 49,24 килэмиэтир усталаах суолу оҥоруу былааннанар

Ааптар: 
Бөлөххө киир:

Дьокуускай куорат уулуссаларыгар 2021 сылга «Куттала суох уонна хаачыстыбалаах массыына суоллара» национальнай бырайыак чэрчитинэн киэҥ үлэ ыытыллыаҕа.

edersaas.ru

Куоракка барыта 43 уулусса, уопсайа 49,24 килэмиэтир уһуннаах суол кэрчиктэрин өрөмүөннүөхтэрэ. Бу үлэҕэ 2,4 миллиард кэриҥэ солкуобай көрүллүөҕэ.

2020 сылга барыта холбоон 23,5 км усталаах уулуссалар, туора сытар уулуссалар өрөмүөннэммиттэр, бу үлэҕэ 1,5 миллиард кэриҥэ үп бараммыт. Онон саҥа сылга суол тутуутун тэтимэ икки төгүлтэн ордук түргээтиирэ былааннанар. Дьиҥэр, 50 килэмиэтир суол оҥоһуллуута, урукку сыллары кытта тэҥнээтэххэ, ортотунан 10 сыллаах нуормаҕа тэҥнэһэр.

Бу үлэ киин эрэ уулуссалары буолбакка, куорат ыраах уулуссаларын уонна куорат таһынааҕы бөһүөлэктэри барытын хабыаҕа. “Суол оҥоһуутугар харгыһы аччатар сыалтан, бйыл бары үлэлэр эрдэттэн кичэллээхтик оҥоһуллубут былаанынан барыахтара” диэн куорат дьаһалтатыгар эрэннэрэллэр.

Туох оҥоһуллара чопчу биллэр, 33 суол өрөмүөннэнэр, биэс суолга хапытаалынай өрөмүөн ыытыллар, үс суол саҥалыы уларытыллан оҥоһуллар, Тулагыга уонна Табаҕаҕа элбэх оҕолоохторго ананан тутуллубут саҥа түөлбэҕэ киирии суоллар оҥоһуллаллар.

Строительнай уокурукка Окружной шоссеҕа хапытаалынай өрөмүөн, Пирогов, Клара Цеткин, Кутузов, Рыдзинскай, Халтурин, Христофор Максимов аатынан уулусаларга өрөмүөннэр ыытыллыахтара.

Автодорожнай уокурукка Луговая, зргэ Покровскайдыыр суол, Иван Кульбертинов, Студенческай, Нагорная, Иосиф Николаев уулуссалар өрөмүөнннэниэхтэрэ.

Гагарин уокуругар Можайскай, Жуковскай, Покрышкин, Тэки Одулок, Авиатордар, Пилоттар уулуссалара өрөмүөннэниэхтэрэ.

Сайсары уокуругар Винокуров аатынан уулусса саҥардыллар, Широких-Полянскай, Шевченко аатынан уулуссаларга өрөмүөн, Ильменскай уулуссаҕа хапытаалынай өрөмүөн барыаҕа.

Промышленнай уокурукка Бабушкин аатынан уулуссаҕа хапытаалынай өрөмүөн ыытыллыа.

Тулагыга Николаев аатынан уулусса өрөмүөннэниэ, ону таһынан элбэх оҕолоохтор олорор түөлбэлэригэр киири суол оҥоһуллуо.

Хаҥалас микрооройуонугар Нагорнай, 26 Партсийиэс, Молодежнай, Объезднай уулуссалары сөргүтүөхтэрэ.

Пригороднай бөһүөлэккэ Пляжная, Набережная, Совхозная ууллусалар өрөмүөннэниэхтэрэ.

Хатаска Каландаришвили, Ойуунускай,Сидор Алексеев аатынан уулуссалар өрөмүөннэниэхтэрэ.

Маҕаҥҥа Кыайы 40 сыла уулусса саҥардыллыа.

Табаҕаҕа элбэх оҕолоохтор кыбартаалларыгар киири суол оҥоһуллуо.

Баараҕай кээмэйдээх үлэ Ленин болуоссатын саҥатытан оҥорууга былааннанар. Манна 2021 сылтан 2023 сылга диэри 1,5 млрд солкуобайдаах үлэ ыытыллыаҕа.

«Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0