2021-2022 үөрэх дьылыгар ХИФУ-га туттарсарга алын баал төһөнүй?

Ааптар: 
Бөлөххө киир:

Ханнык баҕарар үрдүк үөрэх тэрилтэлэригэр кэлэр сыллааҕы үөрэх дьылын быраабылата номнуо ахсынньыга диэри быһаарыллар. 2021-2022 үөрэх дьылыгар кэккэ уларыйыылар киирэллэрин туһунан РФ Наукаҕа уонна үрдүк үөрэххэ министиэристибэтэ иһитиннэрэн турар.

edersaas.ru

М.К. Аммосов аатынан Хотугулуу-Илиҥҥи федеральнай университет киин тутар хамыыһыйатын начаалынньыга Елизавета Ильина иһитиннэрбитинэн, 2021-2022 үөрэх дьылыгар ХИФУга туттарсыыга биир кэлим эксээмэн (ЕГЭ) алын баалын РФ Наукаҕа уонна үрдүк үөрэххэ министиэристибэтэ өссө атырдьах ыйыгар бигэргэппит. Бааллар 2020 сылтан улаханнык уларыйбатахтарын ыйар.

ХИФУ-га туттарсыы алын баала:

Нуучча тыла – 40 баал

Математика – 39 баал

Физика – 39 баал

Обществознание – 45 баал

История – 35 баал

Информатика – 44 баал

Омук тыла – 30 баал

Литэрэтиирэ – 40 баал

Биология – 39 баал

География – 40 баал

Химия – 39 баал

Кэлэр сылтан докумуону туттарыы көрүҥэ кэҥиирин ыйар: “Бастакытынан, абитуриент ТУС БЭЙЭТИНЭН кэлэн эбэтэр итэҕэллээх киһи нөҥүө туттарыан сөп. Иккиһинэн, ХИФУ priem2021.s-vfu.ru ОНЛАЙН электроннай информационнай систиэмэтин (абитуриент личнэй кэбиниэтэ) нөҥүө ыытыан сөп. Үсүһүнэн, “Судаарыстыбаннай уонна муниципальнай өҥө портала” федеральнай судаарыстыбаннай информационнай систиэмэни туһанан “Поступление в вуз онлайн” сервиһи туһанан ОНЛАЙН ыытар кыахтаах. Төрдүһүнэн, буочтанан ыытан туттарыан сөп”, — диэн начаалынньык быһаарда. Онон докумуону туттарыы көрүҥэ эбиллэн иһэр.

Манна даҕатан эттэххэ, ХИФУ былырыҥҥыттан саҕалаан докумуону онлайн ылар. Университекка иһитиннэрбиттэринэн, быйыл, уопсайа 8914 абитуриент 23 155 сайабылыанньаны биэрбититтэн, 5509 киһи үөрэххэ киирбит.

Кэлэр үөрэх дьылыгар туттарсыыга туох саҥа уларыйыылар баалларын сиһилии “Саха сирэ” хаһыат кэлэр нүөмэригэр ааҕаарыҥ.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0