Өрөспүүбүлүкэ сиригэр-уотугар ойуур элбэхтик умайара эрэгийиэн уратытыттан: сайын өр кэмнээх куйаас турарыттан, дохсун тыалтан, салгын сиигэ намыһаҕыттан уонна сүрүннээн ардах түспэтиттэн тутулуктанар.
edersaas.ru
— Баһаартан кутталлаах кэм саҕаланыаҕыттан Саха Өрөспүүбүлүкэтин сиригэр-уотугар 2 061 ойуур баһаара бэлиэтэммитэ, баһаар сиэбит сирин уопсай иэнэ – 6 349 997 гаа.
— От ыйын 2 күнүттэн атырдьах ыйын 19 күнүгэр диэри Саха сирин ойуурдарыгар ыксаллаах балаһыанньа эрэсиимэ биллэриллибитэ. Бу кэм устата 728 ойуур баһаара тахсыбыта. Баһаар барбыт бастакы сууккатыгар уоту суһаллык умулларыы 30,1 % (137 баһаар) тэҥнэспитэ.
— Ойуур баһаарын сүрүн төрүөтүнэн чаҕылҕан буолар (89,3%).
— 2018-2020 сылларга ордук элбэх уот күөдьүйүүтэ Дьааҥы, Томпо, Эдьигээн, Үөһээ Халыма, Орто Халыма улуустарыгар таҕыста.
— Кэнники икки сылга өрөспүүбүлүкэ хотугулуу-илиҥҥи өттүгэр ойуур баһаара 5 төгүл, уот сиэбит сирэ 6 төгүл элбээтэ.
— Баһаар барар кутталлаах кэмэ саҕаланыаҕыттан ойуур баһаарын умулларарга барыта
11 800 киһи уонна 1 240 тиэхиньикэ үлэлээтэ.
— От уонна атырдьах ыйдарыгар эбии Читаттан, Амуртан, Приволжьеттан, Шушенскайтан, федеральнай саппаас авиаотделениеларыттан – 217, ону таһынан, Тюменнааҕы авиабазаттан – 40, Ханты-Мансийскай автономнай уокуруктан 50 исписэлиис суһаллык аҕалыллыбыта.
— 2020 сылга ойууру баһаартан харыстыырга барыта 740,4 мөлүйүөн солкуобай бэриллибитэ.
— Ойуур баһаарын умулларарга кирэдьиит иэһэ 407 362,0 тыһыынча солкуобайга тэҥнэстэ.
Кыһалҕалаах боппуруостар
1. Парашютист-баһаарынайынан уонна десантник-баһаарынайынан мэлдьи үлэлиир дьон ахсаана олох аҕыйах.
2. Ойуур баһаарын утары охсуһар судаарыстыбаннай тэрилтэлэри баһаары утары охсуһар тиэхиньикэнэн уонна тэриллэринэн, инвентарынан, ойуур баһаарын сэрэтэр уонна умулларар атын да тэриллэринэн хааччыйыы РФ субъектары хааччыйар федеральнай нуормаларыгар сөп түбэспэт.
3. Хонтуруолланар зонаны авиа-тиэхиньикэнэн бэрэбиэркэлээһин уонна ойуур баһаарын умулларыы тиһигин быспакка ыытыллыбат.
4. Өрөспүүбүлүкэ хотугулуу-илиҥҥи өттүгэр авиаотделениелар уонна ойуур баһаарын ыстаансыйалара суохтарыттан, ойуур баһаара маассабайдык барар кэмигэр күүс уонна наадалаах тэриллэр кэмигэр эбиллибэттэр. Ол түмүгэр кыра иэннээх былаһааккаҕа ойууру умулларар сорук толоруллубат.
5. СӨ ыраах сытар уонна куһаҕан суоллаах-иистээх нэһилиэнньэлээх пууннарыгар муниципальнай тэриллиилэр баһаарынай хамаандаларын ахсаана тиийбэт, баһаары умулларар тиэхиньикэ суох. Ону сэргэ, ойуур баһаарын умулларыы ньымаларыгар уонна тиэхиньикэтигэр, баһаары түргэнник умулларыыны тэрийиигэ үөрүйэхтэрэ суох.
6. Баһаар-химическэй ыстаансыйалар, авиотделениелар парашютнай-десантнай баһаарынай сулууспаларын, судаарыстыбаннай ойуур надзорун үлэһиттэрин хамнастара кыра. 2020 сыл түмүгүнэн, ойуур хаһаайыстыбатын эйгэтигэр үлэлиир дьон орто хамнаһа: ойуур хаһаайыстыбаларыгар – 26,918 тыһыынча солкуобай, «Якутлесресурс» ГАУ – 31,640 тыһыынча солкуобай, ГБУ «Авиалесоохрана» ГБУ – 37,500 тыһыынча солкуобай.
7. 2020 сыл сэтинньи 3 күнүнээҕи туругунан, ойуур баһаарын умулларыы дьаһалларыгар 291,7 мөлүйүөн солкуобай тиийбэт.
Этиилэр
1. 2021 сылга “Авиалесоохрана”, “Якутлесресурс” тэрилтэлэргэ мэлдьи үлэлиир дьон ахсаанын элбэтэр туһугар СӨ судаарыстыбаннай бүддьүөтүттэн үбүлээһини нуормаҕа эппиэттиирин курдук хааччыйарга.
2. Дьааҥы оройуонун Баатаҕай бөһүөлэгэр дислокацияланар «Авиалесоохрана» Баатаҕайдааҕы авиаотделениетын тэрийии.
3. Ойуур баһаарын умулларар, нэһилиэнньэлээх пууннары уонна олох-дьаһах эбийиэктэрин харыстыыр туһугар Саха Өрөспүүбүлүкэтин хотугулуу-илиҥҥи өттүгэр 1-кы тииптээх ойуур баһаарын ыстаансыйаларын оҥоруу.
4. 2021 сылга «Авиалесоохрана» ГБУ 3 кэтээн көрөр лүөччүгүн үөрэтии.
«Саха сирэ», edersaas.ru саайтка анаан
СӨ Экологияҕа, ойууру туһаныыга уонна ойуур хаһаайыстыбатыгар
министиэристибэтин Ойуур хаһаайыстыбатын департамена