Кэлэр үөрэх дьылынааҕы биир кэлим эксээмэн алын баала быһаарылынна диэн сонуну киэҥник тарҕатар соҕурууҥҥу саайтар Рособрнадзор бирикээһигэр сигэнэн суруйаллар.
edersaas.ru
Бирикээскэ ыйыллыбытынан, сүүс баалынан сыаналааһыҥҥа алын баал маннык олохтоммут:
Нуучча тылыгар – 24 б
Математикаҕа (профиль) – 27 б
Физикаҕа – 36 б
Химияҕа – 36 б
Информатикаҕа уонна ИКТга – 40 б
Биологияҕа – 36 б
Историяҕа – 32 б
Географияҕа – 37 б
Обществознаниеҕа – 42 б
Литератураҕа – 32 б
Омук тылларыгар (англия, франция, ньиэмэс, испания, кытай тыллара) – 22 б.
Онтон математика судургутутуллубут (базовый уровень) эксээмэнин туттарааччылар үлэлэрэ биэс баалынан сыаналанар. Онон аттестат ылар туһугар тустаах биридимиэккэ кырата “үс” сыана ирдэнэр.
Манна даҕатан эттэххэ, быйылгы сылга Саха сирин үөрэнээччитин 19 оҕото биир кэлим эксээмэни 100 баалга туттарда. Итинтэн аҕыһа нуучча тылыгар үрдүк баалы ылары ситиспиттэр.
“Саха сирэ” хаһыат, edersaas.ru
Хаартыска: интэриниэттэн