ТОХСУННЬУ
Ньургун Александров (61 кг) көҥүл тустууга «Тахти Кубога» норуоттар икки ардыларынааҕы күрэхтэһии кыайыылааҕа.
ОЛУННЬУ
Ньургун Скрябин (65 кг) Европа чөмпүйэнээтин үрүҥ көмүс призера.
Ньургуйаана Никифорова дзюдоҕа Европа Кубогын иккис миэстэлээҕэ.
Иван Семенов «Хаҥалас хапсаҕайын» муҥутуур кыайыылааҕа. 100 тыһыынча солкуобайынан наҕараадаламмыта.
IV Успуорт кыһыҥҥы көрүҥнэрин спартакиадата саҕаламмыта.
КУЛУН ТУТАР
Александр Оконешников СӨ көҥүл тустуутун сүрүн тириэньэринэн анаммыта.
Кулун тутар 28 күнүгэр Дьокуускайга бодибилдиҥҥа уонна фитнес-бикинига Уһук Илин чөмпүйэнээтэ буолуохтаах этэ. Бу уонна да атын күрэхтэһиилэр биллэр биричиинэнэн көһөллөр.
МУУС УСТАР
Спортсменнар бары, ол иһигэр олимпийскай эрэллэрбит, дьиэҕэ дьарыктаннылар.
ЫАМ ЫЙА
Саха сиригэр бастакы онлайн-күрэхтэһии тхэквондо көрүҥ пхумсэ дисциплинатыгар буолбута. Уопсайа 47 оҕо кыттыыны ылбыта.
БЭС ЫЙА, ОТ ЫЙА
СӨ Ил Дарханын бирииһигэр ат сүүрдүүтүгэр сүүмэрдиир күрэхтэһии ыытыллар.
Брокер Барс (Мэҥэ-Хаҥалас улууһа) Ил Дархан бирииһин ылар.
АТЫРДЬАХ ЫЙА
Наталья Леонтьева Арассыыйа чөмпүйэнээтигэр 10 км сүүрүүгэ үһүс миэстэ буолар
БАЛАҔАН ЫЙА
Оҕунан ытыыга Степанида Артахинова Николай Новгородовтыын «микс» диэн көрүҥҥэ Арассыыйа чөмпүйэнээтигэр (ПОДА) үрүҥ көмүс мэтээлгэ тиксибиттэрэ.
АЛТЫННЬЫ
Айаал Макаров уонна СӨ сүүмэрдэммит хамаандата Арассыыйа Кубогын спортинг-дуплетнай ытыыга кыайбыттара.
СЭТИННЬИ
Матрена Ноговицына (блицка) уонна Николай Гермогенов (рапидаҕа) Аан дойду чөмпүйэнээтигэр иккис миэстэлэри ылбыттара.
АХСЫННЬЫ
Василий Егоров буоксаҕа Арассыыйа чөмпүйүөнэ.
Сардаана Трофимова Арассыыйа чөмпүйэнээтигэр олимпийскай нормативынан сүүрэн, итэҕэтиилээхтик бастыыр.
Леонид Филиппов «Дыгын оонньууларын» кыайыылааҕа.
Виктория Бястинова, edersaas.ru