2020 сылга Саха сиригэр 16 тыһыынча ыал коммунальнай өҥөҕө субсидия ылла

Ааптар: 
Бөлөххө киир:

2020 сыл бастакы аҥаарыгар Саха сиригэр 16 тыһыынчаттан тахса ыал дьиэ-уот коммунальнай өҥөтүн төлөбүрүгэр субсидия ылбыт диэн СӨ ОДьКХ уонна энергетика министиэристибэтин пресс-сулууспата иһитиннэрэр.

edersaas.ru

Бу көмөнөн туһанаары «Субсидия агентствота» судаарыстыбыннай тэрилтэҕэ барыта 17 676 дьиэ кэргэн сайаапка түһэрбит. Олортон көмө 16 729 ыалга бэриллибит, ол иһигэр 1205 – аан бастаан көмөнү көрдөөбүт ыалларга. Барыта холбоон 428,6 мөл. солк. суумалаах субсидия ааҕылыбыт.

Субсидияны коммунальнай өҥө төлөбүрүгэр дохуоттарын 15 %-нын куоһарар сууманы барыыр ыаллар көрдүүр бырааптаахтар. Субсидия кээмэйэ дьиэ кэргэн дохуотун уонна олорор усулуобуйатын таһымын биирдиилээн сыаналаан суоттанар.

Субсидия ылар туһугар өрөспүүбүлүкэ судаарыстыбыннай уонна муниципальнай өҥөлөрүн порталларын www.e-yakutia.ru нөҥүө сайабылыанньа биэриэххэ наада. Эбэтэр МФЦ офистарын нөҥүө сайаапка түһэриэххитин сөп.

«Субсидия агентствота» нүөмэригэр эрийэн эбии информация ылаххытын сөп: 8-800-222-50-70, саайт: subsidii-jku.ru, электроннай почта: ofl@gkuas.ru.

Егор Карпов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0