2020 сылга “Анаабыр алмаастара” Арктика улуустарын сайыннарыыга 108 мөл солкуобайы ыытыаҕа

Ааптар: 
Бөлөххө киир:

“Анаабыр алмаастара” уонна Арктика улуустара 2020 сылга сөбүлэһии түһэристилэр. Итиннэ олоҕуран, АЛРОСА кыттыгас тэрилтэтэ Булуҥ, Анаабыр, Өлөөн, Эдьигээн уонна Эбээн Бытантай улуустарын социальнай-экэнэмиичэскэй сайдыыларыгар 108 мөлүйүөн солкуобайы ыытыаҕа.


Докумуоҥҥа “Анаабыр алмаастара” АУо генеральнай дириэктэрэ Павел Маринычев уонна бу улуустар баһылыктара илии баттаатылар.
Сөбүлэһиилэр сир баайын туһаныыга лицензия болдьоҕун устатыгар күүстэрин сүтэриэхтэрэ суоҕа. Бииргэ үлэлээһин тумус тутуллар хайысхаларынан Арктика улуустарын экэниэмикэлэрин сайыннарыы, сүрүн социальнай соруктары быһаарыыга табыгастаах усулуобуйалары тэрийии, экология ирдэбиллэрин тутуһуу, олохтоохтору хаттаан үөрэтии уонна үлэҕэ ылыы буолар.
Маны сэргэ, 2011 сылтан “Анаабыр алмаастара” “Арктиканы ыраастааһын” бырагыраамаҕа кытталлар. Бу чэрчитинэн, хара тимир луомун хомуйан Арктика оройуоннарыттан анал тутар пууннарга тиэйэллэр.
“Анаабыр алмаастара” Булуҥ уонна Арктика улуустарын сиригэр-уотугар баар алта баайдаах сири баһылааһыҥҥа уонна алмааһы хостооһуҥҥа лицензиялаах.

Женни Стрюкова бэлэмнээтэ

+1
0
+1
0
+1
0
+1
0
+1
0
+1
0
+1
0