2020 cыл анал бэлиэтэ бигэргэннэ  

Ааптар: 
Бөлөххө киир:

Ил Дархан Айсен Николаев биллэрбит Дойдуга бэриниилээх буолуу сылын анал бэлиэтэ (символа) бигэргэннэ.

 edersaas.ru

Бу бэлиэ сүрүн ис хоһооно – знамя иһигэр 2020 сыл киллэриллибит. СӨ Ил Дарханын уонна Бырабыыталыстыбатын пресс-сулууспата иһитиннэрбитинэн, анал бэлиэ туһунан быһаарыыны ылыныах иннинэ, 15-65 саастаах дьонтон социологическай ыйытык оҥорбуттар. Кинилэртэн «патриотизм» диэн өйдөбүл тугу кытта сибээстээҕин ыйыппыттар. Респондент 60%-на, бастатан туран, былааҕы эбэтэр знамяны, сороҕо – сулуһу, аармыйаны, сүрэҕи уо.д.а. көрөрүн эппит.

Знамя олус дириҥ ис хоһоонноох. Аҕа дойду көмүскэлигэр сэбиэскэй саллааттар инники күөҥҥэ знамя туппутунан сэриилэһэ киирэллэрэ. Оттон Дойдуга бэриниилээх буолуу сыла суруктаах кытыаста турар знамя өрөспүүбүлүкэ судаарыстыбаннаһын кытта эмиэ сибээстээх, — диэн быһаарар СӨ Ил Дарханын уонна Бырабыыталыстыбатын Дьаһалтатын салайааччытын солбуйааччы Евгений Фёдоров.

Сыл анал бэлиэтэ цифровой банертан сувенирнай бородууксуйаҕа тиийэ формакка сөп түбэһэр.

Бырабыыталыстыба 1 №-дээх дьиэтин фасадыгар ыйаммыт банерга 2020 сыл суруктаах знамя Саха сирин гербэтин иһигэр халлаан күөҕэ фоҥҥа кытыаста турара, онно «Улуу Кыайыы 75 сыла» кыһыл өҥнөөх сурук баара – символика ис тыынын күүһүрдэн биэрэр.  Банер сотору кэминэн тас эрэкэлээмэ быһыытынан өрөспүүбүлүкэ устун тарҕаныаҕа.

Елена ПОТОЦКАЯ, «Саха сирэ» хаһыат, edersaas.ru

 

+1
0
+1
0
+1
0
+1
0
+1
0
+1
0
+1
0