СӨ бырабыыталыстыбата өрөспүүбүлүкэ бырааһынньыктарын өрөбүл күнүнэн бигэргэттэ. 2018 сылга Саха сирин олохтоохторо муус устар 27 күнүгэр (Саха Өрөспүүбүлүкэтин күнэ) уонна бэс ыйын 21 күнүгэр (Ыһыах күнэ) өрүүллэр.
Ону тэҥэ Арассыыйа олохтоохторун курдук, Саҥа дьыл бырааһынньыктарыгар 10 күн (ахсынньы 30 күнүттэн тохсунньу 8 күнүгэр диэри), Аҕа дойдуну көмүскээччилэр күннэригэр 3 күн (олунньу 23-25 күннэригэр), Дьахталлар аан дойдутааҕы күннэригэр 4 күн (кулун тутар 8-11 күннэригэр), Маай бырааһынньыктарыгар 5 күн (муус устар 29 күнүттэн ыам ыйын 2 күнүгэр диэри уонна ыам ыйын 9 күнүгэр), Арассыыйа күнүгэр 3 күн (бэс ыйын 10-12 күннэригэр), Норуоттар сомоҕолоһууларын күнүгэр 3 күн (сэтинньи 3-5 күннэригэр) өрүөхтэрэ.
Уопсайа 30 күн бырааһынньык өрөбүлэ буолар эбит.
Ангелина Васильева, “Саха сирэ” хаһыат, edersaas.ru