СӨ Ил Дархана Егор Борисов Ил Түмэн дьокутааттарын, биэдэмистибэлэр, тэрилтэлэр салайааччыларын, улуустар баһылыктарын, наука уонна айар интэлигиэнсийэ, уопсастыбаннай тэрилтэлэр, түмсүүлэр бэрэстэбиитэллэрин иннигэр Анал этиитигэр 2018 сыл өрөспүүбүлүкэҕэ Дьарыктаах буолуу сылынан биллэрдэ.
Социологическай чинчийии түмүгүнэн, өрөспүүбүлүкэ нэһилиэнньэтин 43%-на дьарыктаах, үлэтэ суох буолуу боппуруостарын тыын суолталаах кыһалҕанан ааҕар эбит.
Ил Дархан кэлиҥҥи үс сылга өрөспүүбүлүкэҕэ тас дойдулартан кэлэр үлэһит күүс ахсаана элбээбитин бэлиэтээн эттэ. «Предприятиелар салайааччылара хамнас төлөөбүрүгэр үбү-харчыны кэмчилиир сыалтан омук гражданнарын үлэ миэстэтинэн хааччыйаллар. Онон бу үлэһит илии тиийбэтиттэн тахсыбат кыһалҕа. Дьиҥэр, Үлэ биржатыгар үлэ көрдөнөөччү ахсаана элбэх», – диэн салгыы эбэн эттэ.
Анивера Акимова, edersaas.ru
Мария Васильева хаартыскаҕа түһэриитэ.