Бу күннэргэ 200 тыһыынчаттан тахса быраҥаатта ыаматын Бүлүү водохранилищетыгар ыыттылар.
«Транснефть — Восток» ХЭУо тулалыыр эйгэни харыстааһыҥҥа болҕомтотун уурар. Балык ыамаларын ууга бу тэрилтэ үлэһиттэрэ Чернышевскайдааҕы балык собуотун исписэлиистэрин кытта ыыттылар диэн СИА суруллар.
Бэлиэтээн этэллэринэн, бу бириэмэни ирдиир уонна сыралаах үлэ. Инкубаторга балык искэҕэ ууруллуоҕуттан, 5 г балык ыаматын таһаарыахха диэри алта ый барар. Маннык суолталаах боппуруоска балык собуотун исписэлиистэрэ эппиэтинэһи сүгэллэр.
«Транснефть – Восток» ХЭУо Чернышевскайдааҕы балык собуотун кытта 2008 сылтан бииргэ үлэлэһэр. Собуот тэрилин уларытарга хампаанньа 30 мөл.солк. биэрбитэ. Инкубационнай сыах, о.д.а. элбэх саҥардыллыбыта, сыаналаах балыктары улаатыннарар сыах толору оҥоһуллубута. Хампаанньа көмөтө, өйөбүлэ итинтэн да атын, элбэх. Өрөспүүбүлүкэҕэ ууга-хаарга уопсайа 17 мөл. тахса балык ыамата ыытыллыбыта.
+1
+1
+1
+1
+1
+1
+1