Мэҥэ Хаҥалас улууһун 2-с Наахара нэһилиэгэр “Брейн-ринг” интеллектуальнай кулууп үлэлээбитэ быйыл 25 сыла буолар. Кулууп салайааччытынан педагогическай үлэ бэтэрээнэ, «Учууталлар учууталлара», РФ суруналыыстарын сойууһун чилиэнэ Елена Петровна Прокопьева үлэлиир.
Бэҕэһээ, кулун тутар 25 күнүгэр, кулууп бу сылга бастакы оонньуутун уопсай эрудицияҕа нэһилиэк тэрилтэлэрин икки ардыгар ыытта. Барыта алта хамаанда оонньоото. Ол курдук, орто оскуола, ыччаттар, оскуола оҕолорун «Тэтим», олохтоох дьаһалта, бэтэрээннэр “Удьурҕай” түмсүүлэрэ уонна ОДьКХ хамаандалара күрэхтэстилэр.
Түмүккэ оскуола оҕолорун “Тэтим” хамаандата кыайыылаах таҕыста. Тэрээһин сүрдээх сэргэхтик, интэриэһинэйдик ааста диэн оонньуу кыттыылаахтара бэлиэтээн эттилэр.
Ирина Никанорова, Мэҥэ Хаҥалас
Хаартыскалары И.Никанорова ыытта.