2-с Наахараҕа — таас дьиэ сыбаайата

Ааптар: 
Бөлөххө киир:

Кулун тутар 15 күнүгэр Мэҥэ Хаҥалас улууһун 2-с Наахара нэһилиэгэр бэлиэ түгэн буолла. Манна хаарбах туруктаах дьиэттэн көһөрүү федеральнай бырагырааманан тутуллар үс этээстээх таас дьиэ сыбаайатын түһэрии үөрүүлээх сиэрэ-туома ыытылынна.

Тэрээһини нэһилиэк ытык кырдьаҕаһа, алгысчыт Никаноров И.П. аал уоту оттон, арыылаах алаадьынан, уохтаах кымыһынан, үрүҥ сылгы сиэлинэн сыт таһааран алҕаан арыйда.

Эҕэрдэ тыллары 2-с Наахара аҕа баһылыга Никитин П.П., Ил Түмэн дьокутаата Находкин А.М., Мэҥэ Хаҥалас улууһун тутууга уонна хапытаалынай өрөмүөҥҥэ управлениетын начаалынньыга Григорьев И.П., «Сахастройсервис» ХЭТ кылаабынай инженерэ Устинов И.О. эттилэр. Олохтоохтор ааттарыттан Наахара орто оскуолатын учуутала Кычкина.Р.И. тутуу кэмигэр, үрдүк хаачыстыбалаахтык тутуллан бүтэригэр баҕа санаатын эттэ.

Онон аны балтараа сылынан нэһилиэкпитигэр үс этээстээх таас дьиэ дьэндэйиэ, нэһилиэкпит өссө сайдыа, тупсуо.

Ирина Никанорова, Мэҥэ Хаҥалас

Хаартыскалары: ааптар тиксэрдэ

+1
0
+1
0
+1
0
+1
0
+1
0
+1
0
+1
0