2,5 туоннаттан ордук гуманитарнай көмө хомулунна.
Донецкай уонна Луганскай норуодунай өрөспүүбүлүкэлэртэн кэлэр дьоҥҥо көмөлөһүү салҕанар. Саха сирин олохтоохторуттан гуманитарнай көмөнү хомуйар пууҥҥа 2,5 туоннаттан тахса ас-үөл, туттар тэрил киирбит. Бу туһунан СӨ Ил Дархан уонна бырабыыталыстыба пресс-сулууспата иһитиннэрдэ.
«Уустук балаһыанньа буолан төрөөбүт дьиэлэриттэн барарга күһэллибит дьоҥҥо, Саха сирин олохтоохторо көмөлөһөргө бэлэмнэр. Өйөбүл буолуон, көмөлөһүөн баҕалаахтар туттар малы-салы, өр хаһааныллар аһы-үөлү пууҥҥа аҕалыахтарын сөп«, — диир СӨ ыччат дьыалатыгар уонна социальнай коммуникацияларга миниистирэ Петр Шамаев.
Гуманитарнай көмөнү хомуйар пуун Орджоникидзе уул. 10 №-гэр, иккис мэндиэмэҥҥэ, аактабай саалаҕа баар.
Пуун үлэтин кыраапыга – күн ахсын 10:00 — 20:00 ч. диэри. Аһы-үөлү координатордары кытта эрдэттэн кэпсэтэн баран аҕалыахха сөп. Сибээстэһэр төлөпүөннэр: +7 (4112)-50-88-93, +7 (4112)-50-88-92.
Маны сэргэ, добро.рф саайтка гуманитарнай көмөнү хомуйуу үлэтин тэрийиигэ волонтердары хомуйаллар.
Хаартыскаҕа Анна Гуляева түһэриитэ
+1
+1
+1
+1
+1
+1
+1