2 223 км суол оҥоһуллара былааннанар

Бөлөххө киир:

Бүгүн СӨ бырабыыталыстыбатыгар  Ил Дархан Айсен Николаев 2021-2024 сылларга  өрөспүүбүлүкэҕэ суол хаһаайыстыбатын бырагырааматын бырайыагын көрдө.

Бэс ыйын 3 күнүгэр Росавтодор былаһааккатыгар бу  бырайыак көмүскэниэхтээх. Ил Дархан айан суолун оҥоһуллуута өрөспүүбүлүкэ сайдыытыгар сүрүн оруоллааҕын бэлиэтиир. Кини этэринэн, РФ бэрэсэдьиэнэ Владимир Путин, РФ бырабыыталыстыбата уонна Росавтодор быһаарыыларынан суол хаһаайыстыбатын бары хайысхаларын үлэлэрин таһымнара үрдээбит.

«Сүүһүнэн килэмиэтирдээх суол оҥоһуллар. Суол хаачыстыбалаахтык  оҥоһуллуутун ирдиэхтээхпит«, — диэн Ил Дархан эбэн эттэ.

Оҥоһуллубут бырайыагынан 2021-2024 сылларга  суол оҥоһуллуутун уонна хапытаалынай өрөмүөнүгэр уопсайа 194,6 миллиард үп ирдэнэр. Суол уһуна — 2 223 км диэн СӨ тырааныспарын уонна суол хаһаайыстыбатын миниистирэ Владимир Сивцев иһитиннэрдэ.

Ульяна ЗАХАРОВА, edersaas.ru

+1
0
+1
0
+1
0
+1
0
+1
0
+1
0
+1
0