Бэлиитикэ

190 тыһыынчаттан тахса киһи куоластаата

Куоластааһын иккис күнүн түмүгүнэн, Саха сирин үрдүнэн барыта 190 тыһыынчаттан тахса киһи быыбардаата.

Быыбар киин хамыыһыйатын бэрэссэдээтэлэ Евгений Федоров иһитиннэрбитинэн, барыллаан ааҕыынан, өрөспүүбүлүкэ үрдүнэн барыта 190 тыһыынчаттан тахса киһи куоластаабыт. Ити быыбардааччылар ахсааннарыттан 28,8 % тэҥнэһэр.

“Сарсын куоластааһын бүтэһик күнэ, олус эппиэтинэстээх күн күүтэр. Быыбар түмүгүнэн куолас ааҕыыта буолуоҕа. Быыбар киин хамыыһыйатыгар күн устата сокуону, быраабыланы кэһиигэ үҥсүү киирбэтэ. Ардах, хаар түһэн, бүгүн сорох быыбардыыр учаастакка уот бара сырытта. Ону энергетиктэр кылгас кэм иһигэр өрөмүөннээтилэр”, – диэн бэлиэтиир Евгений Николаевич.

Аграфена КУЗЬМИНА,

Андрей СОРОКИН (СИА) хаартыскаҕа түһэриитэ

0
0