СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников бүгүн, бэс ыйын 20 күнүгэр, суһал ыстаап киэһээҥҥи мунньаҕын ыытта.
Мунньахха муниципальнай тэриллиилэр салайааччылара ойуур баһаарын балаһыанньатын иһитиннэрдилэр. Ыксаллаах быһыы-майгы Ньурба, Томпо, Үөһээ Бүлүү, Сунтаар оройуоннарыгар салҕанар. V кылаастаах ойуур баһаардара Сунтаарга, Мииринэйгэ, Томпоҕо уонна Хаҥаласка бэлиэтэнэллэр. IV кылаастаах уот Горнайга, Өймөкөөҥҥө сорох сирдэринэн уонна Дьокуускай куоракка бэлиэтэнэллэр.
СӨ Экология министиэристибэтин иһитиннэриитинэн, уон оройуон сиринэн 21 274,3 га иэннээх сиргэ 19 ойуур баһаарын умуллараллар. Итинтэн 4 оройуон сиригэр 14 119,1 га иэннээх сиргэ биэс ойуур уотун бохсубуттар. Барыта 39 ойуур баһаар бэлиэтэнэр. Хонук саҕаланыаҕыттан 3,0 га иэннээх сиргэ биир ойуур баһаарын булбуттар, ону умулларыыга үлэлэһэллэр. Баһаары умуруорууга 1 242 киһи, 126 тиэхиньикэ үлэлиир.
Ойуур баһаардара буола турар сирдэр нэһилиэнньэлээх пууннарын олохтоохторун ойуурга сынньана тахсыбаккытыгар сүбэлииллэр.
+1
+1
+1
+1
+1
+1
+1