19 ойуур баһаара умуруоруллубут

Ааптар: 
Бөлөххө киир:

Ааспыт сууккаҕа Саха сирин үрдүнэн Алдаҥҥа уонна Уус Маайаҕа барыта 19 ойуур баһаара умуруоруллубут. 

Этиҥтэн  биир ойуур баһаара Орто Халымаҕа турбута биллибит. Атырдьах ыйын 13 күнүн сарсыардааҥҥы туругунан, 7 ойуур баһаара умайар, мантан иккитэ Уус Маайаҕа, Орто Халымаҕа уонна биирдии  Өймөкөөҥҥө, Томпоҕо, Орто Халымаҕа бааллар.  Былырыын баччаларга 172 ойуур баһаара күөх дуолбутун күл-көмөр оҥороро.

Бүгүҥҥү туругунан Уус Маайаҕа икки ойуур баһаара умуруоруллар, тустаах үлэҕэ барыта 537 киһи уонна 8 тиэхиньикэ кыттар.  Бу сааскыттан Саха сиригэр барыта 516 уот турбута бэлиэтэммит  буоллаҕына, былырыыҥҥы сыыппара 1449-ка тэҥнэһэр.

Санатар буоллахха, СӨ Ил Дархана Айсен Николаев атырдьах ыйын 12 күнүнээҕи Ыйааҕынан Саха сирин эрэгийиэннээҕи суолталаах ойуурдарыгар барытыгар ыксаллаах быһыы-майгы эрэсиимэ уһуллубута.  Билиҥҥи туругунан Уус Маайа улууһугар эрэ муниципальнай таһымнаах ыксаллаах быһыы-майгы эрэсиимэ баар.

+1
0
+1
0
+1
0
+1
0
+1
0
+1
0
+1
0