18 тыһыынча ынах төрөөтө

Ааптар: 
Бөлөххө киир:

Ааспыт сайын өҥ буолан, быйыл төрүөх арыый эрдэ саҕаланна.

edersaas.ru

Күн бүгүн өрөспүүбүлүкэ үрдүнэн бас билии көрүҥүттэн тутулуга суох 18 тыһ. ынах төрөөтө, былырыын баччаҕа 15 тыһ. ынах төрөөбүтэ. Онон үүт соҕотуопкатын үлэтэ саҕаланан, астыыр-үөллүүр кэпэрэтииптэр үрүҥ ас арааһын астыыллар. Билигин кинилэр иннилэригэр биир сорук турар: ас-үөл кээмэйин, көрүҥүн элбэтэн, улуустары киин куораты хааччыйыы.

Тыа хаһаайыстыбатын министиэристибэтэ иһитиннэрэринэн, «Тыа хаһаайыстыбатын бородууксуйатын астааһыҥҥа-таҥастааһыҥҥа (үүт соҕотуопкатын) көрүллэр субвенция үбэ 1 млрд 960 мөл солк. (быланнааммыт суумма 70 %-а) улуустарга тиэрдиллибит. Онон, соҕотуопсуктар үүт туттарааччылары кытары кэмигэр аахсар, оттон табаары оҥороочулар ыһыы үлэтигэр, оттооһун хампаанньатыгар бэлэмнэнэр (оттугу-уматыгы, сиэмэни, саппаас чааһы, уоҕурдууну, үүнээйини харыстыыр тэриллэри хааччынар) кыахтаннылар.

Раиса Сибирякова, «Саха сирэ» edersaas.ru

+1
0
+1
0
+1
0
+1
0
+1
0
+1
0
+1
0