Күнүс 12 чаастааҕы туругунан, Саха сирин быыбардааччылара үрдүк көхтөөхтөрүн салгыы көрдөрөллөр.
edersaas.ru
Ол курдук, СӨ Быыбардыыр хамыыһыйатын бэрэссэдээтэлин солбуйааччы Иван Андросов иһитиннэрбитинэн, 12 чааска 178456 быыбардааччы куоластаата, ол 28, 12 бырыһыаҥҥа тэҥнэстэ.
Тэҥнээн көрдөххө, 2012 сыллаах быыбарга бу кэмҥэ быыбардааччы 24 бырыһыана куоластаабыт эбит, оччотугар, быйылгы көрдөрүү 4-5 бырыһыаҥҥа чугаһыырынан үрдүк. Онон, быыбар көхтөөхтүк баран иһэр.
Ордук үчүгэй көрдөрүүлэри бу кэмҥэ Амма — 47 бырыһыан, элбэх быыбардааччылаах улуустартан Ленскэй — 33,7, Нерюнгри — 25 бырыһыан, ситистилэр.
Холобур, Амма улууһун Мээндигитигэр күнүс 12 чааска нэһилиэнньэтин 92 бырыһыана, Бөтүн – 56, Соморсун –69 бырыһыаннара хайыы-үйэҕэ куоластаабыттар.
Дьон, Арассыыйа судаарыстыбата сомоҕо күүстээх буолуохтаах диэн уонна хас биирдии быыбардааччы, мин куоласпыттан дойдум дьылҕата хайдах буолара улахан тутулуктаах диэн өйдөөн, быйылгы быыбарга көхтөөхтөр, диэн бэлиэтэннэ пресс-конференцияҕа.
Татьяна МАРКОВА, edersaas.ru