Доруобуйа харыстабылын миниистирэ Елена Борисова бэс ыйын 7 күнүнээҕи туругунан, өрөспүүбүлүкэҕэ вакцинация хаамыыта хайдах баран иһэрин туһунан иһитиннэрдэ.
Ол курдук, бүгүҥҥү күҥҥэ барыта 202 409 устуука быһыы кэлбит (сүрүннээн “Спутник V”). Коронавируснай инфекцияны утары быһыы бастакы укуолун 177 935 киһи, иккис укуолун 121 706 киһи ылбыт. Кэлбит вакцина 88%-на дьоҥҥо бэриллибит. Бары улуустарга быһыы тиэрдиллэн турар.
Бу күннэргэ эбии 4,5 тыһыынча устуука быһыы кэлиэхтээх, ону сүрүннээн ыарыы тарҕаммыт улуустарыгар ыытыахтара.
Ангелина Васильева, “Саха сирэ” хаһыат, edersaas.ru
Хаартыска: sakha.gov.ru
+1
+1
+1
+1
+1
+1
+1