Алтынньы 26 күнүнээҕи туругунан, өрөспүүбүлүкэҕэ 176 киһи коронавируһунан ыалдьыбыта билиннэ.
edersaas.ru
Ол иһигэр, Дьокуускайга – 94, Ньурбаҕа — 10, Мииринэйгэ – 7 киһи, Өлүөхүмэҕэ, Уус Алдаҥҥа — 6-лыы, атын улуустарга 1-тэн 5-кэ диэри дьон ыарыйдылар. Өлүөхүмэҕэ, Уус Алдаҥҥа бөлөҕүнэн маассабайдык ыалдьыы түбэлтэлэрэ таҕыста. Ааспыт сууккаҕа 2 киһи өрүттүбэккэ, тыына быһынна. 4292 анаалыс оҥоһулунна. Пандемия саҕаланыаҕыттан барыта 601 тыһыынчаттан тахса анаалыс оҥоһуллубут.
— Субуотаҕа, баскыһыанньаҕа лабораториялар күнүстэри-түүннэри үлэлээн, анаалыстар түмүктэрин таһаардылар, онон мунньуллубут тестэр ахсааннарын биллэ кыччаттылар. Онон анаалыс түргэнник оҥоһуллар, түмүгэ түргэнник тахсар уонна эмтэнии саҕаланар буолла, — диэн өрөспүүбүлүкэтээҕи суһал ыстаап салайааччытын солбуйааччы Ольга Балабкина иһитиннэрдэ.
Ангелина Васильева, «Саха сирэ» хаһыат, edersaas.ru
Хаартыска: интэриниэттэн.