Ис дьыала министириэстибэтин пресс-сулууспата иһитиннэрбитинэн, ахсынньы 20 күнүгэр полиция үлэһиттэрэ Дьокуускай куоракка Семен Данилов уулуссатыгар баар маҕаһыыҥҥа «Боярышник» лосьону атыылыы туралларын туттулар.
Ол курдук 52 саастаах урбаанньыт 15 лиитирэ испиирдээх бородуукуйаны атыылыыр санаалаах сылдьыбыт. Эмиэ бу күн рейдэ кэмигэр, полиция бастакы нүөмэрдээх отделын участковайдара Чайковскай уулуссатыгар баар маҕаһыыҥҥа «Боярышнигы» атыылыы турбуттарын туттулар.
Хомойуох иһин, киһи доруобуйатыгар куһаҕан дьайыылаах испиирдээх бородууксуйаттан бу ыйга Иркутскайга 60-ча киһи анараа дойдуга аттаммыта.
Атын маҕаһыыннар эмиэ маннык уоран атыылыылларын билэр буоллаххытына, тустаах уорганнарга этиҥ.
Анивера АКИМОВА.
+1
+1
+1
+1
+1
+1
+1