Саха сиригэр 16 ойуур баһаарын умуруорууга үлэ ыытыллар, итинтэн түөрт баһаар бохсулунна.
СӨ Экология министиэристибэтин иһитиннэриитинэн, 16 ойуур баһаарын умулларыыга үлэ ыытыллар, уот хаппыт иэнэ — 6 230 га. Бу тоҕус оройуоҥҥа бэлиэтэнэр. Итинтэн түөрт баһаар бохсуллубут. Оттон ааспыт сууккаҕа түөрт баһаар умулларылынна диэн министиэристибэ пресс-сулууспата биллэрэр.
СӨ Экология министиэристибэтин ойууру харыстааһыҥҥа үлэлэһэр департаменын салайар Владимир Иванов бэлиэтииринэн, Ньурба улууһугар Маар, Араҥастаах, Сунтаарга Тумул, Үөһээ Бүлүүгэ Далыр, Томпо улууһугар Хаандыга, Кэскил чугаһыгар баар ойуур баһаардара хонтуруолга тутуллаллар.
«Көрдүгэни умулларыыга ЫБММ үлэһиттэрэ, мобилизацияламмыттар үлэлии сылдьаллар», — диир Владимир Иванов.
+1
+1
+1
+1
+1
+1
+1