Саха сиригэр быйыл 16 553 оҕо маҥнайгы кылааска киириэҕэ, итинтэн Дьокуускай куорат уокуругар – 7 565, Мииринэй улууһугар – 1,1 тыһ., Нерюнгри улууһугар – 1 тыһ. тахса оҕо.
Хаҥалас улууһугар – 474, Чурапчы улууһугар – 443, Нам улууһугар – 435, Бүлүү улууһугар – 399, Мэҥэ Хаҥалас улууһугар – 388 сайабылыанньа киирбит.
“Өрөспүүбүлүкэҕэ үөрэх хаачыстыбатын үрдэтиигэ уонна оҕону личность быһыытынан сөпкө иитии, үөрэх тэрилтэлэрин аныгы ирдэбилинэн хааччыйыыны сайыннарыы үлэтэ барар. Былаас быһыытынан, биһиги сорукпут – оҕо ханна олороруттан тутулуга суох барытыгар тэҥ тирэнэр услуобуйаны тэрийии”, — диэн Ил Дархан Айсен Николаев эрдэ бэлиэтээн турар.
Саха сирин 619 оскуолатыгар бэлэмнэнии, каадырдары аттарыы үлэтэ бүтэн эрэр. Билии күнүгэр аналлаах бары тэрээһиннэр, бары үөрэх тэрилтэлэригэр куттал суох буолуутун миэрэлэрин тутуһан ыытыллыаҕа.
СӨ Ил Дарханын уонна СӨ Бырабыыталыстыбатын пресс-сулууспата.